Get the latest news at
your fingertips!
Download our app now
LIVE TV
Search
'ദോ ഘുൻട് പിലാ ദേ സാഖിയാ' എന്ന പഴയകാല ഹിന്ദി ഗാനത്തിന് കിടിലൻ സ്റ്റെപ്പുമായി സോഷ്യൽ മീഡിയയിൽ വൈറലായിരിക്കുകയാണ് 75കാരിയായ ഒരു മുത്തശ്ശി. നരേന്ദ്ര ചഞ്ചൽ എന്ന ഗായകന്‍ പാടിയ പാട്ടിൽ ആസ്വദിച്ച് നൃത്തം ചെയ്യുന്ന മുത്തശ്ശി ഇതിനിടയിൽ തലയും കുത്തിമറിഞ്ഞതാണ് യുവാക്കൾ അടക്കമുള്ള കാണികളെ അമ്പരപ്പിച്ചത്. ജീവിതം ആസ്വദിക്കുന്നതിന് പ്രായമൊരു തടസമേയല്ലെന്ന് തെളിയിക്കുന്നതാണ് ഈ വീഡിയോ എന്നാണ് സമൂഹമാധ്യമത്തിൽ പലരും അഭിപ്രായപ്പെടുന്നത്.
മുത്തശ്ശിയുടെ നൃത്തം ഫോണില്‍ പകർത്താന്‍ ആവേശത്തോടെയാണ് പലരും തടിച്ചുകൂടിയത്. നിലവിൽ ഈ വീഡിയോയ്ക്ക് 47.4 മില്യൺ വ്യൂസാണ് ഉള്ളത്. ആയിരത്തിലധികം കമന്റുകളുമുണ്ട്. എന്താണ് മുത്തശ്ശിയുടെ ഒരു ഊർജ്ജമെന്നാണ് ചിലർ ചോദിക്കുന്നത്. അതേസമയം എന്ത് ആഘോഷത്തിന് ഇടയിലാണ് ഈ നൃത്തമെന്നോ എവിടെയാണ് സ്ഥലമെന്നോ വിവരമില്ല.
പഴയ ആളുകൾ വീണ്ടും കളത്തിലിറങ്ങുമ്പോൾ, എന്തിനാണ് മറ്റുള്ളവരുടെ പ്രായത്തെ ആളുകൾ താരതമ്യം ചെയ്യുന്നത്, പ്രായമുള്ളവരും പണ്ട് കുട്ടികളായിരുന്നു, ചെറുപ്പമായിരുന്നു വയസ് കൂടുന്നതോടെ ശീലങ്ങളെല്ലാം അവസാനിക്കില്ല, ഇന്നത്തെ കാലത്തെ പ്രായമുള്ളവർ ഇപ്പോഴും ആരോഗ്യമുള്ളവരാണ്, ഇപ്പോൾ ഇങ്ങനെ നൃത്തം ചെയ്യുന്നെങ്കിൽ ചെറുപ്പത്തിൽ എങ്ങനെയായിരിക്കും എന്ന് തുടങ്ങിയ കമന്റുകളുടെ നിര തന്നെ വീഡിയോയ്ക്ക് താഴെ കാണാം.
Content Highlights: 75year old grandma's flip and dance moves viral on Social Media
